Te whakahoutanga o te Marautanga ā-Motu

I whakahoutia tēnei whārangi i te 15 o Mei 2026.

Ko te Marautanga ā-Motu, arā te New Zealand Curriculum me Te Marautanga o Aotearoa, kua tata ki te 20 tau kāore anō kia whakahoutia. Kua hipa nei ngā tau, kua tino rerekē nei te horopaki mātauranga me te ao e noho nei tātou. Ko te whakahoutanga o te marautanga ka ū ai ēnei panonitanga me ngā tautokoranga ki ngā kura auraki me ngā kura ki te whakarite i ngā tamariki me ngā rangatahi mō ngā rā onāianei, waihoki ngā rā anamata.

Kua kati te whakawhiti whakaaro i te anga o  Te Marautanga o Aotearoa hukihuki me ngā wāhanga ako mō ngā Tau 0–10, haunga a Pūmanawa Tangata. Me whakarato mai ō urupare hei te Rāmere, 5 Hune 2026.  

Te whakaputa i ō whakaaro mō te hukihukinga o Te Pūmanawa Tangata

Kua whakahoutia Te Reo Rangatira me te Pāngarau Tau 0-10.  Me whakaako ngā mahi mō Te Reo Rangatira me te Pāngarau Tau 0-10 i te tīmatanga o te tau 2026, atu i ērā kura e whakahaeretia ana e te poari ā-kura (tirohia ngā kōrero i raro).

Ngā wā whakatinanatanga

Kua whakaroa ake te wā whakatinanatanga kia whai wāhi ai ngā kura auraki me ngā kura ki te whakaako i te Marautanga ā-Motu tūturu Tau 0-8.

Ka tukuna te Marautanga ā-Motu tūturu ā te waenga-2026, ā, ka whakatinanatia i roto i ngā tau e rima:

• 2026: Tau 0-10 – English, Mathematics and Statistics, Te Reo Rangatira, me Pāngarau.
• 2027: Tau 0-8 – Science, Social Sciences, Pūtaiao, and Pūmanawa Tangata. Tau 9-10 – ngā learning areas me ngā wāhanga ako katoa.
• 2028: Tau 11 – te marautanga hou.
• 2029: Tau 0-8 – ngā toenga learning areas me ngā wāhanga ako katoa. (Health and Physical Education, The Arts, Technology, Learning Languages, Waiora, Toi Ihiihi, Hangarau, Te Reo Pākehā, me Ngā Reo). Tau 12 – te marautanga hou.
• 2030: Tau 13 – te marautanga hou.

Kātahi ka tuku auau atu mātou i ngā whakahoutanga mō te New Zealand Curriculum me Te Marautanga o Aotearoa.

He aha te ara whakapakari i te Marautanga ā-Motu?

Mā te waihanga i tētahi marautanga mōhiotanga-tōnui, i takea mai i te mātai whakaniko ako, kei te mahi mātou kia mārama ake, kia māmā ake te whakamahi i te New Zealand Curriculum me Te Marautanga o Aotearoa -  te tautoko kura māhita me ngā kaiako ki te hiki i ngā tutukitanga me te whakaheke i te tautika-kore.

Ko te mahi a te marautanga mōhiotanga-tōnui he āta tautohu kia mārama he aha ngā mea me mōhio, ā, ngā mahi ka taea, mō ia wāhanga ako me te tau taumata e te ākonga. Tāria te wā ka tautokotia te tohungatanga mā te tuku kōrero kua āta tohua, āta whakaraupapatia, me te arorau kia ruku atu ai ngā ākonga ki te hōhonutanga ki te whai māramatanga.

Mā te whakauru mai i ngā māramatanga me ngā kokenga ki te marautanga ā-motu, ko tā mātou whāinga kia mārama tonu ngā aratohu mō ngā mea me whakaako, ā, mō āhea, me te whakaheke i ngā mahi kei runga i ngā kaiako takitahi ki te hanga raupapa.

Ka wātea ngā kaiako kia pau te wā kei a rātou, te whai i tērā e ngākautia ana ki te waihanga i ētahi hōtaka whakaako, hōtaka ako hīkaka e whai māramatanga hōhonu, otirā, kia rongo i te rauhī o te ako.

Ko te whāinga mā ngā tauira me ngā ākonga – me ngā kaitautoko i a rātou – e kitea ai he aha tā rātou e ako nei me te mārama anō ki ngā kokenga kua tutuki i a rātou e ako ana. He āwhinatanga tēnei kia hono tonu atu ō rātou whānau ki ngā akoranga, i a rātou e tautoko ākonga ana kia māia rātou ki te whakatau ki hea haere ai atu i konei.

Te ara kei te whāia e mātou ki te whakatinana i ngā panoni

I roto i ngā tau, ko ngā ringa raupā o te kaupapa nei, arā ko ngā kura māhita, ngā kaiako, ngā mātanga tohunga-kaupapa, ngā kaiārahi kura auraki me ngā kaiārahi kura, me ngā kaihoahoa marautanga. Kua tuaritia ki ngā rōpū māngai o te rāngai mō ngā urupare tuatahi me te arotake motuhake a Te Tari Arotake Mātauranga, mā te toro atu ki ngā kaiārahi kura auraki, ngā kaiārahi kura kei a rātou ngā pūkenga ā-motu, ā-ao.

He mea nui ō tirohanga me ō wheakotanga ki te waihanga i te Marautanga ā-Motu me ōna rauemi tautoko. Haere ake nei ngā mahi o te whanaketanga me te whakatinanatanga, ka mahi tonu mātou ki te whakatakoto i ngā ara hei kohi haere i ō urupare me te whai kia hāngai ngā kōrero ki ngā matea o ngā kura auraki me ngā kura.

Hei tautoko i te whanaketanga o te marautanga hou, he maha tonu ngā rōpū, ngā tūranga rānei ka whakatūria:

Coherence Group

I whakatūria tētahi New Zealand Curriculum Coherence Group i te Hōngongoi 2024 kia noho hei kaiārahi i te whanaketanga o ngā kōrero marautanga. Ko ōna mema ko:

• Graeme Aitken, Emeritus Professor of Education at the University of Auckland
• Nina Hood, Founder of the Education Hub
• Michael Johnston, Senior Fellow, The New Zealand Initiative
• Catherine Law, Principal | Tumuaki Avonside Girls' High School | Te Kura Kohine o Ōtākaro 
• Julia Novak, General Manager at Te Poutāhū | Curriculum Centre, Ministry of Education
• Andrea Scanlan, Principal Konini Primary School Wainuiomata

Aromatawai

Kia mārama tonu ngā tauira me ngā ākonga kei hea rātou e haere ana i ia akoranga, ā, kia mārama anō te kite atu o ngā mātua, ngā kaitiaki me ngā whānau i aua kokenga. Mā konei e whai mōhiohio, whai hononga tonu te katoa ki te tautoko i ngā akoranga.

Koinei te take, tae atu ki ngā kōrero hou o te Marautanga ā-Motu, ka whai tonu mātou ki te whakarato i ngā taputapu assessment me te aromatawai kounga-rawa me ngā aratohu hei tautoko i a rātou ki te whakamahi auautia. Mā te whakamahi i ēnei taputapu, ka wātea rātou ki te aroturuki i ngā kokenga me te tautohu i ngā mea kei te pai, me ngā wāhi hei whakapai ake me ngā ara hei whakawhānui ake.

Tāpiri atu ki ngā taputapu hou, kua whakatauria e mātou kia auau tonu ngā tironga puta i te wā e kuraina ana te ākonga, kia tautokotia rātou ina hiahiatia ki te whakawhānui, te whakatīrewa rānei.

Ngā tautoko me ngā aratohu whakatinanatanga

Ko te whānuitanga o te panoni whai take me te whakaumu kāore e oti i te pō kotahi – me mahi kia ū tonu me te haumi. Ka tautoko mātou i ngā kaiako me ngā kaiārahi i ia wāhanga – te whakarite, te tīmatā me te panoni.  

Kei te taumata ā-motu, ka wātea te maha o ngā momo rauemi me ngā ara whanaketanga ngaio. Kei te taumata ā-rohe, ka wātea tō mātou Curriculum Advisory Service ki te tautoko ā-tinana.

Ko tā mātou he tautoko me te whakawhānui i tō rātou mātau mā ngā: 

• Akoranga me ngā whanaketanga ngaio
• Rauemi marautanga
• Aratohu me ngā taputapu mā ngā kaiako me ngā kaiārahi
• Tautoko kaimahi

Ka whakatakoto te Wātaka Whakatinanatanga i ngā mahi ka ara ake ki ngā kura māhita me ngā kaiako, ā, mō āhea, atu i konei ki te 2030:
Implementation Timeline (December 2025)

Rapua ngā mōhiohio mō ēnei tautoko mō tā mātou whārangi tautoko whakatinanatanga, te haere rānei ki te whārangi mō ngā rauemi hāngai ki taua wāhanga. 
Implementation Supports (Tāhūrangi)

Ā mātou mahi rangapū me ngā mātua me ngā kaitiaki

He mahi rangapū te mātauranga – kaua noa i waenga i Te Tāhuhu o te Mātauranga me te rāngai mātauranga – ka whai wāhi mai anō ko te whānau me ngā hapori e tautoko ana i ā rātou tamariki.

I te tīmatanga o 2025 i whakarewatia e mātou te Parent Portal, tētahi wāhi hou whai mōhiohio i waihangatia ki te tautoko i ngā akoranga mā te here i ngā taura kia kikī i waenga i ngā whāmere, ngā whānau, ngā kura auraki me ngā kura. Ka wātea ngā taputapu me ngā rauemi e māmā ai ki te āwhina i ngā akoranga mātauranga a te tamariki ki te kāinga. 
Parent Portal (Education.govt.nz)

Te āhua o te angitutanga? 

Ka aroturuki mātou i te angitutanga puta i ngā momo tutukitanga, tae atu ki te whāinga 80% a te Kāwanatanga kia eke ki tērā i hiahiatia, ki tua atu rānei o ngā taumata marautanga hāngai ki ō rātou pakeke mō te Reading, te Writing me te Māths ā te 2030.

Kei te kimi anō mātou i ngā wāhi hei whakapai ake puta i te Marautanga ā-Motu mā te Curriculum Insights and Progress Study me te Tīrewa Mātai.

I tua atu i ēnei inenga matua, ko tō tātou angitu ka whakaaturia i ngā momo o ngā putanga ka tirohia i te wā kotahi:
•    he marautanga ā-motu mārama me te ōrite whai kōrero mōhiotanga-tōnui, ā, i takea mai i te mātai whakaniko ako
•    ngā kura māhita me ngā kaiako, kei ia wāhanga o tō rātou akoranga, kei te māia ki ngā kaupapa e whakaako ana rātou, ā, āhea, otirā te ara e whakaakohia ana e rātou

• te whakamahi a ngā kura māhita me ngā kaiako i ngā rauemi whakaako me ngā rauemi me ngā taputapu assessment me te aromatawai ki te aroturuki kokenga me te āwhina i a rātou ki te tautoko i ngā learners me ngā ākonga me whai āwhina atu anō, te whakawhānui rānei
• kei te pūrongotia e ngā kura auraki me ngā kura i ngā hononga pai me Te Tāhuhu o te Mātauranga
• kua ekea ngā taumata ki te whakaaro o ngā kura auraki me ngā kura i ngā akoranga me ngā whanaketanga ngaio me ērā atu rauemi
• te whai mōhiotanga, whai māramatanga o ngā mātua me ngā whānau kei hea ā rātou tamariki i ngā akoranga, tae atu ki ngā wāhi kei te pākari me ngā wāhi hei whakapai ake, me ngā ara hei āwhinatanga kia tipu ai rātou.

Kia mau mai ki ngā whakahoutanga

He auau tonu tā mātou pānui i ngā whakahoutanga marautanga mā ngā ara a Te Tāhuhu o te Mātauranga e whai ake nei:

• School Leaders Bulletin
• Curriculum Newsletters
• Education.govt.nz 
• Tāhūrangi news updates

Kei te rapu koe i ngā whakahoutanga, ngā pukakōrero rānei?

Rapua ngā kōrero katoa mō ngā whakahoutanga kawenga kōrero kei Tāhūrangi me nga pukakōrero kei tō mātōu Newsletters and Previous Updates page, te pāwhiri rānei i te pātene pango ‘Kawenga Kōrero me ngā Whakahoutanga kua oti’ kei runga ake o tēnei whārangi.