Rārangi wā

Wātaka panoni Marautanga

Kua hangaia e mātou he wātaka whakatinana mō te 5-tau, e kite ai koe i te tirohanga whānui o ngā panonitanga matua o te marautanga, te assessment me te aromatawai, e whakahaeretia ana i waenga i te tau 2024 ki te 2029. E tīpako ana te wātaka nei i ā mātou mahi whakapakari i te marautanga, ngā whakaakoranga, ngā mahi assessment me te aromatawai ki Aotearoa nei, ā, e whakarato ana i ngā momo ara e mārama ai koe ki ngā āhuatanga tautoko i a koe ki te whakatinana i ngā panonitanga nei.

Ka whakahoutia e mātou te wātaka i ia wāhanga o te tau.

Mā te hononga i raro nei e kawe i a koe ki te wātaka panonitanga mō te New Zealand Curriculum me Te Marautanga o Aotearoa.

5-Year Implementation Timeline

Te mārama ki te wātaka

E whakaatu ana te wātaka nei i ngā mahi ka mahia e whai wāhi ai ngā tauira me ngā ākonga puta noa i Aotearoa ki te marautanga kounga, ki ngā whakaakoranga kounga me ngā mahi assessment me te aromatawai kounga hoki.

Ngā whenu e 5 o te marautanga, te assessment me te aromatawai

Kua wāhia tēnei wātaka ki ngā whenu e 5, he whakaata i ngā ara mahi rerekē, e ai ki ngā panonitanga mō te marautanga, te assessment me te aromatawai. Nā mātou tēnei i tutuki, kia kite ai koe i ngā panonitanga puta noa i ia o ngā ara mahi, e tūhono ai, e mahi tahi ai kia angitu ai te whakaputa me te whakatinana i tētahi marautanga kounga, tikanga mahi kounga, me ngā mahi assessment me te aromatawai kounga rawa atu ki te pūnaha ā-kura.

Marautanga mārama

E kōrero ana tēnei whenu mō te mahi kei te mahia kia mārama ai te marautanga ā-motu kei tūpono mahue noa. Pērā ki ngā learning areas me ngā wāhanga ako i tukuna hei whiriwhiringa, mō te wā hoki ka whakamahia tonutia.

Tikanga ōrite

E kōrero ana tēnei whenu mō te mahi kei te mahia kia whai wāhi atu ai ngā tauira me ngā ākonga puta noa i te motu ki te kounga o ngā mahi whakaakoranga, akoranga hoki. Pērā ki te whakatakoto o ngā ara whakaakoranga hanganga mō te English, te maths, Te Reo Rangatira me te Pāngarau.

Ngā mahi assessment me te aromatawai kua whakapakaritia

E kōrero ana tēnei whenu mō te mahi kei te mahia ki te whakarato i te inetanga ōrite mā ngā tauira me ngā ākonga, ngā kura māhita, ngā kaiako, ngā matua me ngā whānau mō ngā kokenga a ngā tauira me ngā ākonga ki te tautoko i ngā whakaakoranga me ngā akoranga hoki. Pērā ki te whakamahi i ngā taputapu taunoa me ētahi atu assessment, aromatawai, pūrongo ōrite hoki.

He whakapakari i te tautoko mā ngā ākonga

E kōrero ana tēnei whenu mō te mahi kei te mahia ki te tiro mēnā kei te hāngai te kokenga a ngā ākonga ki ngā hiahia a te marautanga, me ētahi mahi tautoko atu anō e wātea ana, e whai wāhi atu ai ngā ākonga ina hiahiatia.

He whakapakari i te tautoko ngaio

E kōrero ana tēnei whenu mō te mahi kei te mahia kia whai tautoko ngā kura māhita, ngā kaiako me ngā kaiārahi me ngā taputapu, ngā pūkenga, ngā mātauranga ka hiahiatia kia māia ai te whakatinana i ngā panonitanga me te whakatō i ngā tikanga mahi hou.

Te whakamahi i te wātaka

Ka taea tō whakamahi i te wātaka e kitea ai ngā hua me ngā ratonga e wātea ana ki te tautoko i a koe ki te tīmata, kia toitū hoki te kokenga.

I hoahoatia tēnei wātaka kia tau ai ki te whārangi A3, kia taea e koe te tā ina hiahiatia. Ka wātea mai ngā kōrero taipitopito mō ngā hua, ngā tautokotanga me ngā ratonga kei te wātaka, ki te whārangi tautoko whakatinanatanga.

Ka tīmata tā mātou whakahou i te whārangi tautoko whakatinanatanga kia hāngai me te wātaka. Ka whakaratoa e mātou ngā whakahoutanga mā te Curriculum Newsletter, ā, tēnā whai kanohi mai.

Ngā Akoranga me ngā Whanaketanga Ngaio

I a tātou ka arotahi nei ki te whakapakari i te pūnaha tautoko i ngā tautokotanga ngaio, e mārama ai, e pūrangiaho ai, e noho ōrite ai, me ngā momo ara mohoa, ara wātea hoki mō ngā akoranga me ngā whanaketanga ngaio ka wātea mai.

Mō te tau 2025, ka uru mai ko:

Ngā akoranga me nga whanaketanga ngaio mō te learning area maths
- Maths Professional Learning and Development – Professional Learning & Development (education.govt.nz)
Ngā akoranga me ngā whanaketanga ngaio mō te wāhanga ako Pāngarau
- Ka tukuna nga mōhiohio mō ngā akoranga me ngā whanaketanga ngaio mō te learning area maths, hei te Wāhanga 1, 2025
Te haere tonu o ngā mahi ara wātea mō ngā mahi structured literacy me te Rangaranga Reo ā-Tā
- o PLD for structured literacy & te reo matatini approaches – Professional Learning & Development (pld.education.govt.nz)

Mō te rārangi taipitopito mō ngā ara wātea akoranga me nga whanaketanga ngaio mohoa, me ngā mea hou, haere ki: Professional Learning and Development (pld.education.govt.nz)

Ngā Rauemi

Kei konei ngā rauemi hei āwhina i a koe ki te whakarite me te tīmata ki te whakatō i ngā panonitanga ki ō kura auraki me ngā kura. Ā tōna wā ka tāpiritia te kete ki raro nei.

Puna Maths

I te Puna Maths ka kitea ngā rauemi whakaako, ngā aratohu me ngā mōhiohio e pā ana ki ngā tautokotanga i ngā ara hanganga mō ngā mahi maths kei tō kura auraki.

Maths Hub (Tāhūrangi)

Structured Literacy

Kei konei ngā mōhiohio me ngā rauemi hei tautoko i ngā kura māhita ki te whakamahi i ngā structured literacy mō ngā Tau 0-8 tae atu ki ngā rauemi reo matatini:

Teaching resources to support structured literacy approaches (Tāhūrangi)

Learning content resources for literacy (Tāhūrangi)

Ko tā te Tāhuhu o te Mātauranga he tuku i ngā rauemi koreutu, kounga rawa atu hei whakamahi me ngā mahi structured literacy me te Rangaranga Reo ā-Tā.

Te kimi me te tono rauemi haere ki: Down the Back of the Chair | Login (Tāhūrangi)

Rangaranga Reo ā-Tā

Arā atu anō ngā rauemi me ngā aratohu mō Rangaranga Reo ā-Tā hei tautoko i ngā mahi whakaakoranga, akoranga hoki mō Te Reo Rangatira.

Rangaranga Reo-ā-Tā resources (Tāhūrangi)

Ko ētahi atu rauemi pērā ki te raupapa Pīpī Pānui, me ngā pukapuka o Ngā Kete Kōrero, me ngā hautaka mai i te raupapa Rārangi Pukapuka pērā ki ngā aratohu mō ngā kaiako hei tautoko i Te Reo Rangatira.

Tirohia a Tāhūrangi mō te roanga atu o ngā kōrero:

Maths – NZC

Ehara i te mea kua tōmuri rawa tō tono rauemi maths hei whakamahi mō te tau 2025.

He maha tonu ngā momo rauemi hei whiriwhiri māu, e taea ai tō tohu ko tēhea ngā rauemi e tika ana mā ō ākonga. E hāngai tahi ana ngā rauemi ki ngā learning areas o te maths me te statistics kua whakahoutia mō ngā Tau 0–8.

Kei konei ngā momo ripanga mōhiohio PDF e puritia ana ngā mōhiohio whai hua.

Ordering Ministry-funded maths resources (Tāhūrangi)

Kei tēnei whārangi ngā whakautu ki ngā pātai auau mō ngā ara raupapa mō te maths me te tukanga tono mō ngā rauemi kua utua-Tāhuhu mō te maths.

Structured maths resources frequently asked questions (Tāhūrangi)

Pāngarau – Te Marautanga o Aotearoa

Mō ngā rauemi Rangaranga Pāngarau, ka wātea mai ngā kete rauemi me ngā puka mahi hei tautoko i te wāhanga ako Pāngarau mō ngā Tau 0-8.

Hoki mai anō mō te roanga atu o ngā mōhiohio.

Ngā kete tautoko Whakatinanatanga

E wātea ana ināianei ngā kete tautoko whakatinanatanga mō ngā marau e rua – mā ēnei e āwhina i a koe ki te whakahaere hui me ō rōpū, ō kaimahi rānei, kia mārama ai, kia ū ai ngā panoni mō te tīmatanga o te tau 2025.

Supports for implementing curriculum, assessment and aromatawai changes (Tāhūrangi)

Ngā tahua mō ngā rauemi structured literacy me te reo matatini

Hei tautoko ake i ngā mahi whakatinana i te structured literacy me te reo matatini, he hoatu takoha hei hoko rauemi mō ngā ara structured literacy me te reo matatini.

Ka taea te hoko rauemi reo matatini, rauemi pānui, tuhituhi hoki hei tautoko ake i ngā ara whakaako kua hangaia, me te whakamahi i te tahua kua takohatia – ko te itinga o te tahua ko te $500 tae atu ki te $5000 mō ia kura, mō ia tau, mō ngā tau e whā e haere ake nei.

Kei konei ngā mōhiohio:

Funding for structured literacy and te reo matatini resources (Tāhūrangi)

Te Assessment me te Aromatawai

Mō te tau 2025, ka noho ngā kura auraki me ngā kura ki te whakatika i ngā mahi assessment, aromatawai hoki tae atu ki ngā pūrongo e whakaata ana kei te pēhea te kokenga a ngā tauira me ngā ākonga i ngā marau e rua hou mō ngā Tau 0-6 English me Te Reo Rangatira me ngā Tau 0-8 maths me te Pāngarau.

Ngā Taputapu

Ngā taputapu Assessment

Anei ngā taputapu assessment taunoa hei āwhina i ngā kura māhita e mōhio ai rātou e pēhea ngā mahi a ngā tauira, e pēhea ana te koke a ngā tauira mō ia tau mō te reading, te writing me te maths. Ko te mahi a ngā taputapu he hoatu ki ngā kura māhita i tētahi kapoata o te haere o ngā mahi a te tauira, e tauritehia ai ki te toharite ā-motu me ngā paeuru marautanga. He tono atu i ngā kura māhita ki te whai i ngā mahi kei mua i te tauira, te tautohu i ngā wāhanga he pakari me ngā wāhanga hei whakapai ake, kei ngaro noa i te tirohanga kanohi. He mea nui hoki tēnei mō te tautohu tamariki me te whai āwhina atu anō.

Assessment Practices (Tāhūrangi)

Ngā taputapu Aromatawai

E whakahautia ana ngā kura ki te whakamahi i ngā taputapu nei ki te taha o ngā ara aromatawai, ngā tikanga me ngā ara whakaako. Mā ngā kura me ngā kaiako tonu e whakatau i te wā ki te whakarite i ēnei tūmahi, i ngā whakamātautau me ngā tirohanga e hāngai ana ki ngā kaupapa here aromatawai. Ko ngā taputapu aromatawai kei tēnei hoahoa e wātea ana kia whakamahi mō te tau 2025. Ko ia o ngā taputapu nei he tautohu i ngā mahi tautoko i ngā mahi aromatawai ā-motu.

Ngā Tini Mata o te Aromatawai | Kauwhata Reo (Tāhūrangi)

He Aratohu

Ngā mahi assessment me te aromatawai Tau 3-8 ākonga mō ia rua tau

Ko ngā aroturuki kokenga mō te reading, te writing, te maths, te pānui, te tuhituhi me te Pāngarau mā ngā tamariki me ngā mokopuna kei ngā Tau 3-8 me tutuki i ia rua tau me te whakamahi i ngā taputapu assessment me te aromatawai taunoa, hei tautoko i ngā kura māhita me ngā kaiako kia tika ai ngā whakaritenga kokenga, tutukitanga me te angitu mō ia tauira, mō ia ākonga. Ahakoa kāore anō kia herea te whakamahi i ngā taputapu,ā, kia rua ngā whakamahinga i te tau 2025, he mea tonu kia whakaarohia e ngā kura auraki me ngā kura ki te tautoko i ngā tukanga assessment, aromatawai me te tuku pūrongo hoki.

E whakarato ana mātou i ngā tautokotanga hei āwhina i ngā kura māhita me ngā kaiako ki te whakamahi i ngā otinga mai i e-asTTle, ka wātea mai ā te Haratua 2025.

e-asTTle Resources (Tāhūrangi)

Ngā Tini Mata o te Aromatawai | Kauwhata Reo (Tāhūrangi)

Phonics checks/Hihira Weteoro

Kua wātea mai ngā weteoro mō ngā kura auraki me ngā kura hei whakamahi mā rātou me ngā tauira me ngā ākonga i ngā Tau 1 me te Tau 2 whakatinana mai ai i te tau 2025.

Phonics checks – Guidance for schools (Tāhūrangi)

Hihira Weteoro (Tāhūrangi)

Te tuku pūrongo ki ngā Mātua

Kua whakaratoa ngā aratohu me ngā tauira hei tautoko i ngā kura māhita me ngā kaiako mā ngā pūrongo mārama, pūrongo auau ki ngā mātua me ngā whānau e hāngai ana ki ngā kōrero marautanga mō ngā Tau 0-6 English, ngā Tau 0-8 maths, ngā Tau 0-6 Te Reo Rangatira me ngā Tau 0-8 Pāngarau.

Reporting to parents and whānau (Tāhūrangi)

Kokenga whakamua – aratohu kaiārahitanga

Mā tēnei aratohu e āwhina i ngā kaiārahi kura ki te whakamahere, te arotake i ngā ara ka whakamahia mō ngā mahi kokenga whakamua, e whai wāhi ai ngā ākonga ki te marautanga, e puta ai ngā wheako angitu. Tōna tikanga mā ngā kaiārahi i ngā kura auraki me ngā kura reorua kārure, hei tautoko i ngā momo hiahia katoa o ngā tauira Tau 0-8 e mahi ana i te New Zealand Curriculum.

Accelerating progress - Leadership guidance (Tāhūrangi)

Te tautoko ā-kanohi

Ngā rā marautanga Maths me te Pāngarau

Kua whakaratoa e rua rā marautanga mō ngā kura auraki me ngā kura (e whā ngā rā-haurua) mō te tau 2025. Ehara i te mea me ea ēnei rā i a koe.

Mō ngā Tau 0-8:

Ko te arotahi o ēnei rā, ko te tautoko i ngā kaimahi kei roto i ngā akoranga me ngā whanaketanga ngaio maths me te pāngarau me te whakatinanatanga o ngā kōrero marautanga hou. E whakahautia ana ngā kura auraki me ngā kura e whakaako ana i te New Zealand Curriculum ki te whakamahi i ēnei rā ki te kawe i ngā rā e rua o ngā rā e whā kua whakaritea mō ngā mahi akoranga me ngā whanaketanga ngaio mō te maths.

Mō ētahi atu mōhiohio e pā ana ki aua rā nei, tirohia a konei: Maths Professional Learning and Development – Professional Learning & Development (pld.education.govt.nz)

Mō ngā Tau 9-13:

Ko te arotahi o ēnei rā, ko te marautanga, te assessment me te aromatawai. Kotahi te rā kua whakaritea (e rua ngā rā haurua rānei) ka taea te whakamahi i te wā e hiahiatia ana i te tau 2025 mō te marautanga, te assessment me te aromatawai te take. Ko te rā ka toe mai (e rua ngā rā haurua rānei) me whakamahi i te Wāhanga 4 hei whakarite mō te whakatinanatanga i ngā marau English, Te Reo Rangatira, te maths me te Pāngarau i te tau 2026.

Mō ngā Kura ā-rohe, ngā Kura Takawaenga me ngā Wharekura:

E rua noa ngā rā ka whakaaetia kia kati ngā kura auraki me ngā kura mō te tau 2025, ko te marautanga te take. Me noho koe ki te āta wherawhera me pēhea tō whakamahi i ēnei rā, hei whakaata i ngā take huhua mō ngā taumata tau rerekē.

Curriculum Advisory Service

E mahi tahi ana tō mātou rōpū Curriculum Advisory Service kātahi nei ka whakawhānuitia me ngā rōpū ā-rohe ki te whakarato tautoko ki a koe. Ko te hunga kei tēnei ratonga ko ngā kaimahi kei ngā tari ā-rohe, he maha ō rātou pūkenga marautanga. E wātea ana ngā rōpū nei ki te tautoko i a koe ki te whakatinana i ngā panonitanga marautanga, te assessment me te aromatawai hoki.

Mēnā e kimi ana koe i ēnei momo tautoko, tēnā whakapā mai ki te tari ā-rohe o Te Tāhuhu o te Mātauranga:

Local Ministry offices (education.govt.nz)

Ngā kōtuinga Kaiako

Ko te Kahu Pūtoi he kōtuinga kaiako pia-ki-te-pia, e whakarato tautoko ana ki ngā kaiako e whakaako ana mā te reo Māori. Mā tēnei kōtuinga, e whai wāhi atu ngā kaiako ki ngā mātanga marautanga, e whakarato tautoko ana mā ngā huinga ipurangi, te tuari rauemi, ngā kāhui pakirehua me ngā ara wātea o te mahinga tahi mō te whakatinana panonitanga mō te marautanga me te aromatawai.

Mēnā e kimi ana koe i ēnei momo tautoko, tirohia tēnei hononga www.kahupūtoi.org.nz ki te rēhita atu.

Te mahi me Te Tari Arotake Mātauranga

E mahi tahi ana mātou, te Tāhuhu o te Mātauranga me Te Tari Arotake Mātauranga ki tō taha, kia whai mārama ai mātou e pēhea ana tō whakarite ki te whakatinana i ngā panonitanga, tae atu ki ngā angitutanga kua tutuki, ngā wero kei mua i a koe, me te whakaniko i ētahi atu tautokotanga ina hiahiatia.

Ka taea tēnei, mā te:

Ngā takiuru ki Te Mahau – ka whakapā atu ngā rōpū o te Tāhuhu ki ngā tumuaki hei te Wāhanga 4, ki te ui atu mō ō whakamaheretanga me tō hononga ki ngā tautokotanga ka hiahiatia e koe. Ka uru mai ngā tirohanga ki tō kura mēnā kua tono koe mō te structured literacy me te akoranga me ngā whanaketanga ngaio maths, te tono rauemi, me ngā tautokotanga akoranga whakamua. Mēnā e mōhio ana mātou kua whai tō kura i ngā akoranga me ngā whanaketanga ngaio mō te structured literacy, ka tirohia ake koe e mātou i te pito o te wāhanga.

Te rārangi arotake o Te Tari Arotake Mātauranga – mēnā kua rārangitia tō kura kia arotakea e Te Tari Arotake Mātauranga mō te Wāhanga 4, ka tuku urupare mai Te Tari Arotake Mātauranga mai i tō takiuru ki Te Mahau e mārama ake ai rātou ki ngā whakawhitinga kōrero o mua. Ka kōrero tahi kōrua ko Te Tari Arotake Mātauranga mō te huringa o te horopaki, te tuku whakaaro me te āwhina i a koe ki te whakaaro ake mō ngā tautokotanga ka hiahiatia e koe, me pēhea hoki tō whai wāhi atu. Kāore Te Tari Arotake Mātauranga e tuku pūrongo whakawā mō ngā kokenga o tēnā kura, o tēnā kura ki te whakatinana i te marautanga hou ki ōna arotakenga engari ka tūhuratia me ngā kura ngā mahi kei mua mō te whakatinana i te marautanga i roto i ngā mauheretanga mō te tau 2025.

Ngā whakahoutanga mōhiohio

Mēnā kāore anō koe kia tono, e whakahau ana mātou kia waitohu mai e riro ai i a koe ngā pūrongo me ngā mōhiohio mohoa mō ngā tautokotanga e wātea ana, pērā ki te akoranga me ngā whanaketanga ngaio, ngā rauemi me ngā tahua hoki: Subscribe to our curriculum newsletters (Tāhūrangi)

Te āwhina i a koe i ngā panonitanga

Ngā Tautoko Whakatinanatanga