Ngā rauemi māherehere Rā Kaiako Anake, Kaupeka Kura 1, 2026

18 Whiringa-ā-rangi 2025

Kua kohia ki tēnei whārangi ko ngā momo rauemi hei tautoko i ngā kaiārahi me ngā kaiako ki te whakamahere i te Rā Kaiako Anake i te Kaupeka Kura 1, 2026 mō ngā Tau 0-10. Ka kite koe i ngā taputapu me ngā rauemi kua whakahāngaitia ki te New Zealand Curriculum me Te Marautanga o Aotearoa. I āta waihangatia ēnei tautokoranga kia āhei ngā akoranga ngaio, ngā whakawhitinga kōrero me ngā mahi whakamahere.
Ka mahi tonu mātou ki te whakahou i tēnei rārangi ka puta ana ngā rauemi hou – e rite ai mō te Kaupeka Kura 1 2026 Rā Kaiako Anake. Whai kanohi mai mō ngā whakahoutanga ki Tāhūrangi, ko te Kawerongo Kaiārahi Kura me te Kawerongo Marautanga. Ka wātea koe ki te tūhono ki te Kawerongo Marautanga ki konei: Subscribe now!

Te Wetewete i te Marautanga

Ngā Kauhaurangi: Te wetewete i ngā wāhanga ako o te New Zealand Curriculum

Ko ēnei kauhaurangi o te tau 2025, mai i te 24 o Whiringa-ā-rangi ki te 4 o Hakihea, tēnā wetewetetia i ia wāhanga ako o te New Zealand Curriculum mō ngā Tau 0-8 me te 9-10, mō te anga, ngā panonitanga hou ka puta me ngā tautoko e wātea ana; ka whakairia ngā hopuoro ki tēnei whārangi ka oti ana ia wātū: Unpacking the curriculum.

English and Maths

Ngā kōrero marautanga kua whakahoutia mō ngā Tau 0-10 English, Te Reo Rangatira, te Mathematics me te Statistics, me te Pāngarau

Kei tēnei whārangi ngā kōrero marautanga kua whakaaetia mō ngā Tau 0-10 English, Te Reo Rangatira, te Mathematics me te Statistics, me te Pāngarau tae atu ki ngā puka mōhiohio tikiake e whakamārama ana i te anga o ia wāhanga ako, ngā panoni matua me ngā aratohu whakatinanatanga. Ka uru mai anō ngā taputapu whakamahere, ngā tauira me ngā hononga ki ngā tautoko akoranga ngaio hei āwhina i ngā kaiako ki te whakatōpū i te marautanga kua whakahoutia ki roto i ngā tikanga akomanga: Updated curriculum content.

Ngā arawātea mō ngā Akoranga me ngā Whanaketanga Ngaio (PLD)

E mahi tahi ana te Tāhuhu o te Matauranga me ngā kura e riro ai ki ngā kaiārahi me ngā kaiako i ngā tautoko tika e māia ai te whakatinana i ngā panonitanga marautanga mō te 2026. E wātea ana iāianei te akoranga ngaio mō ngā kaiako Tau 7-8 i te rangaranga reo ā-ta me te pāngarau, ā, ko te Akoranga me ngā Whanaketanga Ngaio (PLD) mo ngā Tau 9-10 English me te Maths ka tīmata ā te Kaupeka Kura 1, 2026. Kei ngā rauemi hou ko ngā aratohu whakahāngai mō ngā rauemi maths me te taupānga akoranga maths matihiko mō ngā Tau 9-10. Ko ngā Akoranga me ngā Whanaketanga Ngaio (PLD) me ngā rauemi ka tuaritia i ngā wānanga, ngā kauhaurangi, me ngā rauemi tuihono ka tautoko tonu i ngā kura ki te whakatō i te marautanga kua whakahoutia me te whai kia ū haere ake nei.

Ko te ipurangi Akoranga me ngā Whanaketanga Ngaio (PLD) Strengthen teaching practice through professional learning and development – Professional Learning & Development ka whakahoutia me ngā mōhiohio motuhake mō te Akoranga me ngā Whanaketanga Ngaio (PLD) hou ina wātea ana.

Te whakatinanatanga marautanga

Te Kawenga Whakakitenga Marautanga mō ngā Kaiārahi 2025 – Kohinga rauemi

Kei tēnei kohinga ko ngā taputapu ā-ringa me ngā tauira hei āwhina i ngā kaiārahi ki te whakamahere me te whakatinana i ngā panoni marautanga. Kei konei ko ngā tautoko whakatinanatanga, ngā mōhiohio hou kua whakaputaina me ngā aratohu kia mārama ai ki te marautanga mātauranga-tōnui. Kei ngā rauemi kaiārahi ko ngā mahere whakawhiti kōrero, ngā rerenga whakakōrero, ngā rārangi tirotiro me ngā rautaki e puta ai tētahi i ngā kaupapa ātete. Ka kite anō koe i ngā tauira ā-tau me ngā hōtaka ako mō te pūtaiao, tētahi mahere mō ngā panonitanga me ngā tūmahi kia hono mai tō tīma:

Ngā kiriata tikanga mahi whakatauira
Mātakitia ngā kiriata e whakatauiratia ana ngā kura o Longbeach, o Lakeview, o Deanwell, me Silverstream i a rātou e whakaatu ana i ngā pānga o te rangaranga reo ā-tā me te pāngarau horipū ki ngā whakaakoranga me ngā akoranga i ō rātou akomanga. Panuku whakararo i te whārangi kia kitea te: Practice in action videos.

Ngā FAQs Kawenga Whakakitenga
Tūhuratia ngā pātai matua mai i te Kawenga Whakakitenga Marautanga me ngā whakautu mārama hei tautoko kia mārama ai ki te whakahoutanga o te marautanga.
Curriculum Roadshow FAQs - Understanding the Refresh

Ngā kiriata kauhau me ngā aratohu ngohe
Mātakitia ngā kauhau Kawenga Whakakitenga e pā ana ki te anga marautanga, te hanga o te wāhanga ako, me te mātai whakaniko ako. Kei roto anō ko ngā aratohu ngohe hei āwhina i a koe ki te huritao i ngā ariā matua, otirā hei whakamahia i te horopaki o tō kura. Kei ngā kiriata ko ngā kauhau me ngā aratohu ngohe e whai ake nei.

Te wetewete i te anga Marautanga me te hanga o te wāhanga ako – Pauline Cleaver, Hautū, Te Poutāhū | Deputy Secretary – Curriculum Centre
Te ārahi me ngā Taunakitanga: Ko te Mātai Whakaniko Ako me te Pāngarau Horipū
- Dr Nathaniel Swain
- Natalie Wexler

Rapua ngā kiriata i Tāhūrangi: Curriculum Roadshow presentation videos and activity guides.

Te wātaka whakatinanatanga

Te wātaka whakatinanatanga 5-tau mō te marautanga, te assessment, te aromatawai mai i te 2024–2028, tae atu ki ngā tutukitanga matua me ngā tautoko e wātea ana hei āwhina i a rātou ki te whakatinana. I whakahoutia i te Whiringa-ā-rangi 2025: Curriculum implementation timeline updated.

Marautanga Tauira mō ngā Tau 0-10

Kei tēnei whārangi ko ngā tauira hukihuki o ngā wāhanga ako o te New Zealand Curriculum mō ngā Tau 0-10. Kei konei ngā puka mōhiohio tikiake e whakatauira ana i te anga o ia wāhanga ako, ngā kōrero kua whakahoutia me ngā aratohu mō ngā mahi whakamahere me ngā mahi whakaako. Ka āhei ngā kaiako ki ngā tauira kokenga, ngā tauira whakamahere me ngā puka tautoko hei āwhina ki te whakatōpū i ngā tauira kōrero ki ngā tikanga akomanga: Draft Curriculum for Years 0–10.

Ngā arawātea urupare

Ko te tauira New Zealand Curriculum | Te Mātaiaho me te toenga o ngā wāhanga ako ka wātea mō ngā whiriwhiringa, ka mutu, e tuwhera ana mātou ki ō koutou urupare mō ēnei kōrero tae atu ki te Rāmere, 24 o Paengawhāwhā 2026. Ka wātea koe ki te whakamahi i tēnei hononga ki te whakatakoto i ō whakaaro mā te whakakī i ngā puka urupare: Draft curriculum feedback.