Tūārere 5 (Tau 11-13) ngā tohu kaupapa
5 Tīhema 2025
E wātea ana ngā tohu kaupapa ināianei
E wātea ana ināianei ngā tohu kaupapa mō Tūārere 5 (Tau 11-13) o te New Zealand Curriculum (NZC) me te Tūārere (Tau 11-13) o Te Marautanga o Aotearoa (TMoA):
Years 11-13 New Zealand Curriculum Subject Descriptors
Tau 11-13 Te Marautanga o Aotearoa Subject Descriptors
Ka whai tēnei i te pānuitanga o te rārangi Tūārere |Tūārere 5 (Tau 11-13) mō ngā kaupapa kura tuarua tuakana i te Mahuru: https://tahurangi.education.govt.nz/mi/senior-secondary-subjects.
I whanaketia mai i ngā mahi ngātahi o ngā tōpūtanga kaupapa me ngā mātanga, ā, e whakaata ana ēnei tohu i te tikanga mātauranga tōnui, otirā te whakatakoto tōmua i te ahunga o taua kaupapa kura tuarua tuakana. He tino mahi ka whai ake i te whanaketanga o te marautanga e whakaatu ana i te tirohanga whānui o ia o ngā aronga, ngā hiahia o te kaupapa, ā, ka noho hei tīmatanga mō te whakawhanake i ngā taipito puka marautanga.
Tērā pea kua kite koe i te panonitanga o ngā Materials and Processing Technology Tau 11-13 ki tērā i rārangitia i te rārangi kaupapa tuatahi. I te wā i tuhia ngā tohu kaupapa me ngā urupare, i tino mārama te kite atu ko ngā mātauranga, ngā pūkenga me ngā mātau he rerekē puta i ngā horopaki kei roto i te kaupapa i ngā Tau 11-13. Ināianei kua wehea te kaupapa ki ngā kaupapa motuhake e toru : te Resistant Technology, te Textiles Technology, te Food and Processing Technology.
Mā te wehe i ēnei kaupapa e wātea ai te hoahoatanga o te marautanga kia ōrite, kia raupapa i ia wāhanga ako ka waihangatia i ngā mātauranga tūāpapa o Tūārere 1-4. Ka whakakaha ake hoki tēnei i ngā mātau kounga rawa ka hiahiatia mā ngā ākonga kia koke whakamua ki te akoranga mātauranga me ngā ara ahumahi. Nā tēnei wehenga, ka wātea hoki ngā kura ki te tuku i te katoa, i ētahi o ēnei kaupapa rānei, kei runga tonu i tō rātou rahi me ngā kōwhiringa ākonga.
Tērā pea kua kite koe kotahi anake te kaupapa Pūtaiao Tau 11. Ka āta whakaarotia e mātou mēnā ka whanaketia tētahi kaupapa Pūtaiao anō mō Tau 11 i a mātou e mahi ana i te hoahoa me te hua whakaako o ngā whenu mātauranga whai wāhi atu ki te pūtaiao. Me mātua whai ngā kaupapa pūtaiao i te mātauranga ōrite, mātauranga raupapa ki te Tau 12 me te 13.
Ko ētahi kaupapa kua whakauruhia atu ki te rārangi New Zealand Curriculum (NZC) me Te Marautanga o Aotearoa (TMoA), ka mutu, ka rite tonu ngā kōrero marautanga. Ka wātea ngā mea e rua i te reo English me te reo Māori, ā, kua hoahoatia kia hāngai te tuku ki ia horopaki marautanga.
The process for curriculum design
Kua tīmata mātou i te mahi ki te hoahoa i tētahi anga kaupapa-mā-tau mō ngā Tau 11-13, tae atu ki ngā taipito mātauranga, ngā tikanga mahi me ngā mātau e takoto ai tētahi ara mā ngā ākonga i te kura tuarua, ā, ki tua.
Ka taea e koe te roanga atu o ngā kōrero e pā ana ki te tukanga mō te whanaketanga marautanga me te tono ōkawa mō ngā kaitohutohu kaupapa i konei https://tahurangi.education.govt.nz/mi/phase5_update.
Ko te hoahoa me te hua whakaako o Tūārere 5 o te marautanga ka mahi ngātahi ki hunga hāngai ki te rāngai. Kāore e kore ka rerekē te āhua me te whānui o ētahi kaupapa i tēnei whanaketanga.
E whai ana mātou kia pānuitia te marautanga kaupapa tauira ā te Kaupeka Kura 1, 2026 mō ngā urupare whānui.
Te Tūārere 5 Whanaketanga Marautanga: E wātea ana te Tirohanga Whānui (20 o Whiringa-ā-rangi 2025) i konei National curriculum changes.
Ka taea e koe te pānui i Our Story https://tahurangi.education.govt.nz/mi/our-story
Ka āta whakatinanatia te marautanga hou mō ngā Tau 11-13 mai i te 2028 ki te 2030.
Ko ēnei kaupapa kura tuarua whakahirahira ka tukua ki ngā ākonga ngā kōwhiringa, ngā ara mārama me ngā arawātea whai tohungatanga, e whakarite ana i a rātou kia angitu i ngā akoranga anamata, i ngā mahi i tohua rānei e rātou.