Tūārere 5 (Tau 11-13) whanaketanga marautanga me te Tono Ōkawa
Date: 28 Noema 2025
Ko te tukanga mō te whanaketanga marautanga – te tono ōkawa mō ngā kaitohutohu kaupapa
Whai atu i te pānuitanga o te rārangi Tūārere | Tūārere 5 (Tau 11-13) mō ngā kaupapa kura tuarua tuakana i te Mahuru https://tahurangi.education.govt.nz/senior-secondary-subjects, e rapu ana mātou i ngā kaitohutohu kaupapa ki te mahi ngātahi ki te waihanga i te hoahoa me te tuhituhi i ngā kaupapa o te Tūārere 5 (Tau 11-13) mō te New Zealand Curriculum me te Tūārere 5 (Tau 11-13) mō Te Marautanga o Aotearoa. E arotahi ana mātou ki te kokenga raupapa me te arorau o te marautanga mātauranga tōnui 0-10 i ngā Tau 11-13.
E rapu ana te Kaihautū Hōtaka Marautanga, a Dr Catherine Law, i ngā tono ōkawa mō ngā kaitohutohu kaupapa. E tika ana kia whakatauiratia e ngā kaitono i ngā pūkenga mō ngā kaupapa hāngai me te hoahoa marautanga, te whai māramatanga ki te marautanga mātauranga tōnui me ngā māramatanga ki ngā ara me ngā whakawhitinga.
Ka tuwhera ngā tono ōkawa ki te 12 o Hakihea 2025. E wātea ana te roanga atu o ngā kōrero e pā ana ki ngā tūranga kaitohutohu kaupapa, te wā me te tukanga utu mahi i te hononga kei raro nei, haere ki https://education.surveymonkey.com/r/Phase5EOI
Ko te hoahoa me te hua whakaako o Tūārere 5 o te marautanga ka mahi ngātahi ki te hunga hāngai ki te rāngai. Kāore e kore ka rerekē te āhua me te whānui o ētahi kaupapa i tēnei whanaketanga.
E whai ana mātou kia pānuitia te marautanga kaupapa tauira ā te Kaupeka Kura 1, 2026 mō ngā urupare whānui.
Te Tūārere | Tūārere 5 Whanaketanga Marautanga: E wātea ana te Tirohanga Whānui (20 o Whiringa-ā-rangi 2025) i konei National curriculum changes
Ka taea e koe te pānui i Our Story https://tahurangi.education.govt.nz/our-story
Ka āta whakatinanatia te marautanga hou mō ngā Tau 11-13 mai i te 2028 ki te 2030.
Ko ēnei kaupapa kura tuarua whakahirahira ka tukua ki ngā ākonga ngā kōwhiringa, ngā ara mārama me ngā arawātea whai tohungatanga, e whakarite ana i a rātou kia angitu i ngā akoranga anamata, i ngā mahi i tohua rānei e rātou.
Mō Dr Catherine Law
Ko Dr Catherine Law, te Tumuaki i Avonside Girls’ High School kua tonoa e Te Tāhuhu o te Mātauranga ki te tūranga Kaihautū Hōtaka Marautanga mō te Tūārere 5 (Tau 11-13). Ko ana mahi rangahau e pā ana ki te hoahoa marautanga.
E koa ana a Catherine ki te mahi ngātahi atu me te rāngai i te whanaketanga me te arotaki o ngā kaupapa Tau 11-13 me te whakaraupapa i te marautanga mātauranga tōnui ka whakarangatira i ā tātou rangatahi.