Te hoahoa taputapu hou mō te assessment me te aromatawai
12 Hakiharatua, 2025
Ko te wāhi ki tā mātou mahi ki te whakahou i te New Zealand Curriculum mō te wā tuatahi mai i te 2007, kei te waihangatia anō e mātou he taputapu hou mō te assessment me te aromatawai hei whakamahi mai i te Wāhanga 1 2026. Ka wātea ngā whakangungu me ngā mahi tautoko ki ngā kura māhita me ngā kaiako i te Wāhanga 4, 2025.
New tool will improve insights on student progress - Ministry of Education
Mai i te pāhōtanga o te Tono mō te Kaupapa mō tētahi kaihoahoa ki te waihanga i te taputapu hou, he maha ngā pātai me ngā urupare kua riro mai mō te ara i whāia e mātou. Ko tā mātou he whakamārama i te taputapu hou me ngā āhuatanga ka hāngai ki a koe, ā, kāore rānei.
Te take kei te waihangatia e mātou he taputapu hou mō te assessment me te aromatawai
Ahakoa, i maheretia e mātou kia wātea tonu a e-asTTle ki ngā kura auraki me ngā kura e taea ai te whai haere i ngā kokenga ākonga ki tā te marautanga hou, i kitea i tētahi atu arotaketanga anō, kāore i eke te taha hangarau e hiahiatia ana, ka mutu kāore tonu e tino hāngai ki te marautanga hou. Kei te rapu mātou i tētahi kaiwhakarato ki te hanga i tētahi taputapu hou ka hāngai. E whakahaeretia ana tēnei tukanga.
Mā te whai i tētahi taputapu hāngai ā-motu ki te New Zealand Curriculum me Te Marataunga o Aotearoa e tautoko i ngā kura māhita me ngā kaiārahi i ngā kura kia whai mārama ai rātou e pēhea ana te whai haere o ngā ākonga ki tā te marautanga, ahakoa kei hea e whakaakotia ana, ahakoa haere ki kura kē rānei.
Te Mahi me te Rāngai
E ngākau titikaha ana mātou ki te mahi me te rāngai kia whai take ai te taputapu hou nei mō ngā kura māhita me ngā kaiako. I tēnei wā kei te mahi mātou kia kitea ka whakahaere pēhea te mahi tahi nei, ā, taihoa ake i ngā marama kei te haere mai ka whakaratoa anō e mātou he mōhiohio.
Te wātaka mō ngā panonitanga ki te assessment me te aromatawai
Ngā mahi mō te tau 2025
- Wāhanga 2: Te kaitaongatanga o tētahi taputapu hou mō te assessment me te aromatawai i hangaia ki ngā hangarau inamata
- Wāhanga 2-3: Te hoahoatanga, me te whakahāngai o ngā kōrero hou me ngā kōrero tawhito kei te New Zealand Curriculum me Te Marautanga o Aotearoa
- Wāhanga 4: Ngā ara wātea mā ngā kura māhita me ngā kaiako kia waia ai rātou ki te taputapu hou.
Mō te tau kura 2025, me whakamahi tonu ngā kura auraki me ngā kura i ō rātou pūnaha aromatawai me te pūrongo onāianei.
- Tērā pea, ka rerekē tō whakamahi te taputapu onāianei, kāore nei i te tino hāngai ki ngā kōrero o te marautanga hou. Tirohia ngā tautoko taupua i raro nei.
Ngā tautoko taupua
I tukuna ngā rauemi aratohu ki ngā kura auraki me ngā kura i te marama o Haratua, tae atu ki te e-asTTle me ngā tūtohi hāngai o Te Waharoa Ararau:
Te Waharoa Ararau and e-asTTle Alignment Tables for Te Marautanga o Aotearoa 2025
e-asTTle – Interim mapping tables for The New Zealand Curriculum
Mā ēnei e āwhina i ngā kura māhita me ngā kaiako kia mārama te whakaatu i ngā kokenga a ngā ākonga e hāngai ana ki ngā learning areas hou mō te English 0-6 me te Maths 0-8, me ngā Wāhanga Ako hou mō Te Reo Rangatira 0-6 me te Pāngarau 0-8.
Ngā mahi mō te tau 2026
Ko te manako ia ka wātea te taputapu hou ā te Wāhanga 1, 2026. Kei i a koe te mana kōwhiri ko tēhea taputapu me whakamahi mō te aroturuki kokenga kia rua i te tau mō te pānui, te tuhituhi me te pāngarau mā ngā tamariki Tau 3-8.
Ka whakamahi tonu ngā kura auraki me ngā kura i ngā Phonics Checks me te Hihira Weteoro, ā, mā rātou e ako ana mā te reo Māori, arā ngā tamariki Tau 0 ki te 2.
Phonics checks – Guidance for schools
Hihira Weteoro – He Kete Aromatawai
Te Tuari Rauemi
He maha ngā pūkei raraunga ka whakamahia e te Tāhuhu o te Mātauranga kia kitea ngā ara me pēhea rawa te tautoko tika, te rauemi tika i ngā kura. He waehanga noa te whakamahi i ngā taputapu assessment me te aromatawai. Kia wātea mai te taputapu aromatawai hou, ka haere tonu ā mātou mahi ki te whakamahi i te assessment me te aromatawai i te taha o ētahi atu rauemi pērā ki te Curriculum Insights and Progress Study (CIPS), he whakarato raraunga i ia tau hei āwhina i a mātou ki te aroturuki me te whakautu ina hiahiatia.
Ehara i te mea mā te taputapu hou nei e whakakapi i te ara whānui e whai nei mātou ki te whakatau te ara tuku rauemi ki ngā kura.
Kei te kī taurangi te Minita o te Mātauranga ki te Tāhuhu, ehara i te mea ka whakamahia ngā raraunga aromatawai ki te tohu i te tūnga o ngā kura.
Ngā Tutukitanga a te Ākonga
Mā te assessment me te aromatawai e pono ai te tamaiti kei i a ia ngā mātau akoranga kia eke a ia ki ngā taumata, mā te whai wāhi atu ki ngā mahi tautoko. Ko ngā taputapu assessment me te aromatawai tētahi pūkei mōhiohio whai hua hei whakamahi mā ngā kaiako i te taha o ngā tūmahi tirotiro me ngā tūmahi aromatawai i te akomanga, ngā whakawhitinga kōrero me ngā mātua, me ngā ākonga.
Ka pai ake te tautoko o ngā mātua me ngā whānau i ā rātou tamariki kia angitutanga, mēnā he mārama ngā mōhiohio mō ā rātou tutukitanga, ā, ki hea hoki tautoko ai i a rātou. He tino take tonui tēnei mēnā ka whakawhiti te ākonga ki kura kē.
Ehara i te mea mā te assessment me te aromatawai ake e hiki i ngā whāinga mātauranga, ā, he waehanga o te urupare whānui e tutuki ai te whāinga matua a te Kāwanatanga kia 80% o ngā ākonga Tau 8, kei ngā kaupae e tika ana mō rātou e ai ki te marautanga mō ngā te pānui, te tuhituhi me te pāngarau hei te tau 2030.
Mō ētahi atu mōhiohio
Mēnā he pātai atu anō āu, kāore anō kia whakautua i tēnei kōrero, i ngā tuhinga rauemi rānei, tēnā koa īmēra mai ki a mātou ki [email protected] ā, taihoa ake, ka whakautu mātou ā kō ake nei.
Ētahi atu Rauemi
Assessment resources (Tāhūrangi)