Te pānuitanga o ngā rā ka tukuna te marautanga Tau 0-10
3 Hūrae 2026
Kua whakatauria kia whakaputaina ngā anga me ngā kōrero Tau 0-10 mō te New Zealand Curriculum me Te Marautanga o Aotearoa ā te 9 o Hepetema 2026.
Ko ētahi kōrero, ka whakaako i roto i ngā kura auraki me ngā kura i te tau 2027, ka tōmua te tuku atu – te Science me te Social Sciences (ā te 12 o Ākuhata), me te Pūtaiao me te Pūmanawa Tangata (ā te 26 o Ākuhata).
Nā te nui o te whai wāhi mai ki ngā uiuitanga marautanga i ngā Tau 0-10, tata ki te 3900 ngā tāpaetanga i tae mai mō ngā tuhinga hukihuki i whakatakotoria, nā kona, kua whakaritea he wā anō kia āta whakaarohia ngā urupare katoa.
Ka whakaputaina te marautanga Tau 0-10 ki Tāhūrangi hei hōputu pdf i te tuatahi, ā, ka wātea ki te toro atu ki tētahi hōputu ā-tuihono ā te pito o te tau.
Ko ngā pūrongo “Ā koutou kōrero ki a mātou” ka whakarāpopoto i ngā urupare i kohia e mātou i te uiuinga me te whakamārama atu i ā mātou whakautu. I mahia tēnei mō te English, Mathematics and Statistics, Te Reo Rangatira me te Pāngarau.
Ko tētahi kaupapa i kitea tōmuatia kote tere o ngā panonitanga, ka mutu, i whakaroa ake te wātaka mō te whakatinanatanga i te marautanga Tau 0-8 e te Minita.
Ka whakaritea ngā momo tautokoranga me ngā huarahi whakawhiti kōrero hei āwhina i ngā kura auraki me ngā kura kia rite ai ki te whakaako i te marautanga whakamutunga. Tae atu ki ngā rauemi whakaako kua whakahāngaitia ki te marautanga, ngā rawa akomanga ā-ringa, ngā tautoko aromatawai, ngā akoranga me ngā whanaketanga ngaio, ngā whai wāhitanga ā-motu, ngā kauhau tuihono, me te haere tonu o ngā tautoko ārahitanga.
Ko te marautanga Tau 11-13 whakamutunga ka whakaputaina ā te pito o te tau, ka mutu, ka whakatinanatia atu i te 2028 ki te 2030, kia whai wāhi ai ngā kura ki te whakarite me te whakamahere mō ngā panonitanga.
Mō te roanga atu o ngā mōhiohio
Te roanga atu o te tukanga tātari urupare, tae atu ki te arotake Motuhake
Te wātaka hou mō te Marautanga ā-Motu tūturu Tau 0-8
Te whakahoutanga o te Marautanga ā-Motu
Ngā rauemi whakaako hei tautoko i te TMoA kua whakahoutia
Teaching resources to support the updated NZC