Ngā Rā Kaiako Anake mō te Wāhanga Tuawhā

17 Whiringa-ā-nuku, 2024

Koia te tuawhā o ngā Rā Kaiako Anake (TOD) kua whakaratoa mō ngā panonitanga marautanga, aromatawai hoki mō te tau 2023-2024 e rārangitia ana kia whakahaeretia i waenga i te 21 o Whiringa-ā-nuku ki te 15 o Whiringa-ā-rangi.

Ko ngā kura auraki me ngā kura arareo Māori kua whakamōhio atu ki ō rātou hapori e whakahaeretia ana ngā rā kaiako anake mō ngā mahi marautanga me te aromatawai, ka taea te kati, me te kore e kawe i ngā rā haurua whai muri mai.

He whakamōhio noa, ko ngā kura auraki me ngā kura arareo Māori kei roto i ngā mahi Professional Learning and Development (PLD) mō te Structured Literacy me te Rangaranga Reo ā-Tā i te Wāhanga 4 ka taea te kōwhiri ki te pupuri i ngā mahi TOD i waho atu i te matapihi e rārangi nei.

Hei tautoko i te tuku o tēnei TOD, kua whanakehia e Te Tāhuhu o te Mātauranga ētahi rauemi ipurangi hei āwhina ki te whakarite i a koe mō ngā panonitanga marautanga mō ngā kura auraki, me ngā kura, akoranga arareo Māori hoki.

New Zealand Curriculum (NZC)

Hei āwhina i ngā kaiako ki te whakarite mō ngā Rā Kaiako Anake, ka wātea mai ngā rauemi e whai ake nei atu i te marama o Whiringa-ā-nuku:

He mahere paetara e whakaatu ana i ngā mahi mai i nāianei, taea tū ki te Wāhanga 2, 2025.
He rārangi tirotiro hei āwhina i ngā kura kia reri ai mō ngā panonitanga marautanga, aromatawai hoki.
He puka iti hei āwhina i ngā kura ki te tūhura kei hea nei rātou e ai ki te tukanga panonitanga, me ngā wāhi whai tautokotanga.
He rārangi tohutohu aroā, aratohu hoki mō ngā kura hei tohu i ngā rauemi e tika ana mā rātou e wātea mai ana ki te wāhanga o Tāhūrangi, i āta hangaia mō ngā rauemi nei, arā, ko te Structured Approaches to Maths. Ka kitea i te hononga nei: Structured approaches to maths (Tāhūrangi)

E whai ake ana ko ngā rauemi i tāia mō te Rā Kaiako Anake tuatoru i te marama o Haratua, engari e wātea tonu ana i te whārangi Rā Kaiako Anake mā te pāwhiri i te hononga i raro ake nei:

He kiriata e whakaatu ana i tētahi aratohu mō Tāhūrangi me te uru atu ki ngā rauemi
He ngohe hei āwhina i ngā kura ki te ruku hōhonu atu ki Tāhūrangi
He kiriata e whakamārama ana i te Science of Learning.

Kia mōhio mai, ka puta te marautanga hou mō ngā mahi Pāngarau mō ngā Tau 0-8 me Te Reo Pākehā mō ngā Tau 0-6 i tēnei wāhanga tonu. Mō ngā kura e whakahaere ana i ngā Rā Kaiako Anake i mua i te putanga o ngā rauemi, kei konei tonu ngā kōrero hukihuki:

Te Whakahou i Te New Zealand Curriculum (Tāhūrangi)

I te wā ka puta ngā rauemi nei, ka whai atu:

he raupapa kōwae hei āwhina i ngā kaiako kia waia ai ki te marautanga hou
ngā aratohu rauemi.

Kei konei ngā rauemi NZC:
Ngā rauemi NZC mō ngā Rā Kaiako Anake

Te Marautanga o Aotearoa (TMoA)

Kei te Te Paerangi Kaiako 4 ngā mōhiohio, ngā rauemi me ngā ngohe hei tautoko i ngā kaiako me:

Ngā kape o ngā wāhanga ako o Te Reo Rangatira (Tau 0-6) me te Pāngarau (Tau 0-8), ngā pānui me ngā patapatai
Ngā mōhiohio mō Rangaranga Reo ā-Tā me te uru atu ki ngā mahi PLD
Ngā māramatanga mō te Hihira Weteoro, (phonics check) pērā ki tētahi kiriata poto o tētahi kaiako me te ākonga e mahi ana i te tirohanga rorongo me ngā ngohe mō te 20 wiki
He tūhura i ngā rauemi pāngarau matua ki tētahi kiriata hei tautoko i ngā kaiako kia whai wāhi atu, me te tono mō ngā rauemi kape māro hei tautoko i ngā mahi Rangaranga Pāngarau
Ngā rauemi i whakaritea hei tautoko i ngā kaiako mō ngā mahi aromatawai i roto i ngā mahi whakaako, kia hora te māramatanga ki tērā e whakamāramatia ana ki Te Puāwaitanga Harakeke
He mahere paetara me te rārangi tirotiro hei āwhina i ngā mahi mahere mote tau 2025.

Te tuhinga hukihuki o ngā wāhanga ako o Te Reo Rangatira (Tau 0-6) me te Pāngarau (Tau 0-8)

I te wā ka puta ngā rauemi nei, ka whai atu:

He raupapa kōwae hei āwhina i ngā kaiako kia waia ai ki te marautanga hou
Ngā aratohu rauemi.

Kei konei ngā rauemi TMOA:
Te Paerangi kaiako 4: Te Marautanga o Aotearoa

NCEA

Ngā rauemi hou me ngā aratohu mā te kaiako he whārangi kotahi e wātea ana ki te paetukutuku NCEA.Govt.

NCEA (education.govt.nz)

I hangaia ēnei rauemi mō ngā kaiārahi kura, ngā kaiako, ngā whānau me ngā ākonga.

Ngā aratohu rauemi hei whakarite kohinga rauemi reo matatini kia māmā ai te whakamahi mā ngā kaiārahi kura, ngā kaiako, ngā whānau me ngā ākonga.
He kohinga rauemi hou, whārangi tahi, e pā ana ki ngā rauemi mā te kaiako me ngā mahinga tika, ngā mahi whai muri me ngā rautaki whakaako ki te kore e tutuki ngā whāinga akoranga tautokorua.
He kiriata e whakarārangi ana i te Hōtaka Arotake me te Whakatika, arā, te Review and Maintenance Programme (RAMP) mō ngā mahi NCEA kei konei: RAMP outline video (education.govt.nz)