Kua tuwhera te kauhau tuihono mō ngā tirohanga weteoro hei tāpui

11 Huitanguru, 2025

Hei āwhina i te whakaurunga mai o ngā tirohanga weteoro ōrite ā-motu tuatahi kei te whakahaerehia e te Tāhuhu ngā kauhau tuihono hei whakamārama atu ki a koe me pēhea te mahi i ngā tirohanga.

E wātea ana ngā kauhau tuihono i ngā rā e toru me ngā kōwhiringa wāhanga mō te ata, mō te ahiahi rānei. Ka kōrerohia ngā mea katoa me mōhio koe kia pai ai tō tīmata i ngā tirohanga i tō akomanga, me te whai wā hoki ki te tuku pātai. 

He mea nui ngā tirohanga hei āwhina i ngā kaiako Tau 1 kia pai ake ai ngā putanga akoranga reo matatini o ā rātou ākonga, me te whakatō i te wāhanga ako Ingarihi kua whakahoutia. Ka whakaatu anō pea ngā otinga o te tirohanga weteoro me whai tautoko whakatere akoranga hei āwhina i te kokenga me te tutukitanga tika o ngā tamariki.

Ka tū ngā kauhau tuihono hei te 14, 17 me te 18 o Huitanguru i runga o Tāhūrangi:

Phonics Checks – guidance for schools (Tāhūrangi) 

Ki te kore koe e wātea ki tētahi o ngā kauhau tuihono ka noho wātea mai ngā mea katoa me mōhio koe ki runga o Tāhūrangi kia pai ai tō tīmata, tae atu ki ngā tūmomo tautoko whānui mō te whakatinana.

Waihoki, me whakapā atu ki tō tari ā-rohe o te Tāhuhu, mō ngā tautoko ā-kanohi mai i ngā Kaitohutohu Marautanga me te whakautu hoki i ngā pātai.