Ngā rauemi mō te rā-kaiako Wāhanga 2 

3 May 2024

Kua whakaritea te rā-kaiako tuatoru (tuawhā rānei) mō te whakariterite i ngā huringa ki te marautanga me te aromatawai ka tū i waenga o te Mane 27 o Mei me te Paraire 7 o Hune 2024. Ā taua rā ka wātea mai ngā kaiako mai i te akomanga ki te whakariterite mō ngā huringa ki te marautanga me te aromatawai. 

Ahakoa kua rite kē ngā mahere a te nuinga o ngā kura auraki me ngā kura kaupapa mō te rā, e whakahau ana mātou kia āta whai whakaaro ki ngā huringa kua whakaurua mai, te whai i ngā tautoko me ngā tikanga mahi pai rawa e wātea ana, me te whakarite anō mō ngā huringa ka whakaurua mai pea i te waenganui o tēnei tau. E whakahau ana anō mātou kia mōhio hoki ki ngā kaupapa kei Tāhūrangi, ā, me pēhea te whai i ngā kaupapa whakaako whai tikanga. 

Hei tautoko i ngā kura auraki me ngā kura kaupapa mō tā rātou rā-kaiako kua hangaia ētahi tūmomo rauemi tuihono hou, tae atu ki: 

• Ngā ngohe me ngā aratohu a Tāhūrangi mō te kimi i ngā rauemi whakaako wetereo 

• Ngā aratohu mō te mātauranga ako 

• Ngā ataata me ngā ngohe e pā ana ki te reo matatini whai tikanga, te pānui me te tuhituhi 

• Ngā kōrerorero whai take mō te akoranga-ngātahi a NCEA  

• Ngā tautoko NCEA Taumata 1 

• He aratohu Mātauranga Māori mā ngā kura auraki  

Tēnā whakapā atu ki te tari a Te Tāhuhu o te Mātauranga o tō rohe ki te kōrero mō ētahi atu tautoko e wātea ana i tō rohe. 

Ngā tari a te Tāhuhu o te Mātauranga i ngā rohe – Te Mātauranga i Aotearoa 

Kei te hiahia mōhiohio atu anō koe? 

He kōrero anō kei konei mō ngā TOD Ngā Rā-Kaiako 2023 me te 2024 | Te Mahau 

Mēnā he pātai āu mō ngā TOD, me īmēra mai ki [email protected].