Ina rapu ana ahau i tētahi taitara me te tohuoho (!) ki te papa rapu, kore rawa e whakaatu mai
E mōhiotia ana tēnei momo raru mō te taha ki ngā ata motuhake ki te papa rapu. Kāore tēnei raru e pā ana ki te tohutō. Ka taea tonu te rapu me te kore e whakamahi i taua ata motuhake, ka kitea tonu tō taitara.
Ina rapu ana ahau ki runga o Tāhūrangi, i ētahi wā kāore te taitara e rapu ana ahau i te taitara tuatahi ki te puta ake
E ōrite ana te pae rapu o Tāhūrangi ki tērā o ngā pae rapu nui, ka rapua ngā ingoa o ngā rauemi me ngā kōrero o ngā rauemi rā. Heoi, kei te akoako haere te pae rapu kia maha ake ngā rapunga ka mahia e koe, e puta ake te taitara e kimi ana koe. Mā te wā, ka pai ake ō mahinga rapu nā ngā tātaritanga. Tae noa ki taua wā, whakamahia ngā tātaritanga ki te whakahāngai i tō rapunga.
He aha te take kāore e taea te tāpiri, te tiro rānei ki ngā pāpātanga, ki ngā arotakenga rānei o ngā rauemi?
Ko te pūtaketanga o tēnei āhua, hei ngā rā ki tua, ka taea te arotake me te pāpātanga i ngā rauemi, ka tātari hoki mā taua pāpātanga rā. Kei te whakamātauhia tonu tēnei āhuatanga, hei te wā rite, ka whakahaerehia tēnei tūmomo āhuatanga.
Takiuru Rāngai Mātauranga (ESL)
I runga i a Tāhūrangi ka taea e koe te takiuru atu ki tō pūkete Takiuru Rāngai Mātauranga (ESL) ki te hanga me te tuari i ngā kohinga rauemi, ki te rapu i ngā rauemi kua tīkina kētia, ā, ki te whakahaere i ō manakotanga. Ki te tiro haere koe i ngā Marautanga tētahi ki tētahi, kua waitohu nei koe, me takiuru anō koe ki tō pūkete ESL hei whakamahi tonu i ngā āhuatanga ESL. Ka taea tonu tō hanga kohinga, tō tapiri atu i ngā rauemi ki taua kohinga mai i ngā marau maha.
He aha te take ka hoki atu ētahi hononga TMoA ki ngā pae tawhito?
Nā te mea kei te whakawhiti tonu mātou i ngā rauemi ki Tāhūrangi, he hononga tonu ka puta ki TKI me te pae tawhito o Kauwhata Reo e kitea tonu pea ngā rauemi e rapu ana koe. Ina raua atu ngā rauemi ki Tāhūrangi, ka tangohia ngā hononga ki ngā pae tawhito, ka taea hoki tō rapu i ngā rauemi TMoA ki runga o Tāhūrangi.