Pūtea 2025: te haumitanga o ngā tutukitanga ākonga
23 Hakiharatua 2025
Hei wāhanga o te Pūtea 2025, ko tā te Kāwanatanga he tuku haumi āhua $287 miriona ki ngā pūtea whakahaere mō ngā kaupapa marautanga me ngā kaupapa aromatawai, tāpiri atu i te $36.1 miriona mō ngā pūtea whakahaere mō ngā kaupapa marautanga ki te Kete Mātauranga Māori.
Tirohia tā mātou paetukutuku mō te rāpopototanga o ia o ngā kaupapa nei:
Budget 2025 (Ministry of Education)
Ko tā tēnei haumitanga o te Pūtea 25, he koke haere i ngā mahi kua oti kē, ki te hiki i ngā tutukitanga a ngā ākonga katoa, mā tēnei hoki e tautoko i ngā kaiako me ngā ākonga puta noa i ngā marautanga, mai i ngā akoranga tōmua ki ngā kura tuarua.
I hangaia ngā kaupapa hou nei ki te āwhina i ngā kaiako ki te titiro ko ēhea o ngā ākonga me whai tautokotanga tōmua nei, me te whakarato i ngā mahi hei āwhina i aua ākonga rā ki te whakatutuki i ngā āheinga o te marautanga. Hei tāpiri atu, e haere tonu ana ngā mahi ki te tuku haumi ki tō mātou ratonga kaitohutohu marautanga, e mōhio ai mātou e tautokohia ana ngā kaiako me ngā taputapu e angitu ai tā rātou whakatinana i te marautanga e whakahoutia ana.
Ko ia o ngā kaupapa nei he kōkiri whakamua mō tēnei kaupapa whai mana o te hiki i ngā tutukitanga mō ngā ākonga katoa. E hāngai ana tō mātou aro ki tā mātou whāinga kia 80%, o ngā ākonga Tau 8, kei te taumata, neke atu rānei o te taumata marautanga e wawatahia ana mō rātou mō ngā mahi pānui, tuhituhi me ngā mahi pāngarau hei te marama o Hakihea 2030.
Ki hea atu i konei?
Mā ēnei kaupapa e kōkiri tonu ai ngā mahi ki te hiki i te kokenga me ngā tutukitanga mā te ‘Āta Whakaako Tika i ngā Meka’, me te āwhina i a koe ki te whakatinana i te marautanga ā-motu hou.
Ka noho mātou ki te mahi tahi ki te koke i ngā kaupapa nei, mā mātou hoki e tuari i ngā mōhiohio, i ngā tautokotanga me ngā rauemi i te tau 2025.
Me whai aro mai ki ngā whakahoutanga ki te rārangi wā 5 tau mō te whakatinanatanga hei te wiki 6 o ia wāhanga ā-kura, anei te hononga hei whai:
Implementation Supports Hub (Tāhūrangi)