Kei te haere tonu ngā mahi hanga i ngā taputapu assessment me te aromatawai hou
26 Poutūterangi, 2025
Hei wāhanga o te hōtaka mahi ‘Teaching the Basics Brilliantly’ ki te hiki i ngā whāinga a ngā ākonga, e hoahoatia ana e mātou he ara e whakakaupapa ana i te tikanga ara-whānui ki te assessment me te aromatawai. Tae atu ki te hoatu i ngā tautokotanga me ngā ratonga pērā i te PLD, ngā rauemi, ngā tautokotanga hāngai, pēnei i ngā tautokotanga whakatere mā ngā ākonga me te tuku i ngā taputapu assessment me te aromatawai hoki.
He mea nui ngā raraunga kounga rawa mō ngā akoranga a ngā ākonga ki ngā mahi pūrongo me te aroturuki, e mōhio ai he aha ngā mea me whakaako, me ako hoki, ko ngā whakawhitinga kōrero me ngā mātua i te wā e tika ana, ngā whānau me ngā kaitiaki, me ngā whakataunga i ia taumata o te pūnaha mātauranga, e mātua mōhio ai e tūtakina ana e te ākonga tōna ake pitomata katoa.
Ko tā mātou aronga nui kia whai wāhi ngā kura māhita me ngā kaiako ki ngā taputapu me ngā tautokotanga whai hua. Ko te takinga mai o te Phonics Checks me te Hihira Weteoro mā ngā ākonga mō ngā tau tōmua o te kura auraki, te kura hoki, koia nei ngā taputapu hou tuatahi. Ko te mahi whai muri ko te tiro ki ngā taputapu assessment me te aromatawai hei whakapakari ake i te kounga o ngā mōhiohio e wātea mai ana mō ngā Tau 3-10.
I tūhuratia e mātou te whakamahinga o e-asTTle. Ahakoa he tino taputapu a e-asTTle i te ao i ōna wa, kua kitea i ō mātou arotaketanga i ōna here ā-hangarau nei, me te mea hoki kāore ngā kōrero o roto e hāngai ana ki te whakahounga o te New Zealand Curriculum me Te Marautanga o Aotearoa. Nā konei, i whakaae ai te Kāwanatanga ki te tautoko i tētahi taputapu hou hei tautoko i ngā kaiako ki te aroturuki me te tuku pūrongo mō ngā kokenga a ngā ākonga.
He maha tonu ngā āhuatanga o tēnei taputapu reorua hou i takea mai i e-asTTle, me te mea anō, ka hāngai tonu ki ngā mahi e haere ake nei, tae atu ki ngā hua o ngā hangarau matihiko me ngā tūmahi aromatawai e hāngai ana ki ngā marautanga kua whakahoutia. E rapu ana mātou i tētahi taputapu kua whai taunakitanga kē, ā, e taea ai te whakahāngai ki tō tātou horopaki ahurei o Aotearoa nei.
Ko te wāhanga tuatahi tēnei o te whakaora mai i te taputapu nei, ā, kua tukuna kētia e te Tāhuhu o te Mātauranga ōna Request for Proposals (RFP) e rapu ana i te kaiwhakarato ā-motu, ā-ao hoki ki te mahi tahi me mātou kia hāngai te taputapu ki te whakahounga o te New Zealand Curriculum me Te Marautanga o Aotearoa.
Ko te matapae ka rite te taputapu hou nei hei te tau 2026, e wātea mai ana ngā whakangungu me ngā tautokotanga hei āwhina i ngā kura māhita me ngā kaiako ki te whakamahi hei te Wāhanga 4, 2025.
Mō ētahi atu mōhiohio mō ngā tikanga me ngā taputapu aromatawai me te assessment, tirohia tēnei whārangi mōhiohio: Assessment and aromatawai practices and tools