Pānui Raumati | Whakamātau Pānui: Kia Pānui Tāua
9 Hakihea 2025
Kua tonoa ngā kura auraki me ngā kura ki te tuku i te Pānui Raumati | Whakamātau Pānui: Kia Pānui Tāua ki ngā tauira me ngā ākonga kei ngā Tau 0 ki te 8 mō te tau kura 2026.
E whakahau ana i whanake ngātahitia me Duffy Books in Homes te whakamātau i ngā tamariki me ngā mokopuna kia auau te pānui tahi me ō rātou whānau i ngā rā whakatā o te raumati, ā, ka whai i te pūrere aroturuki reading me te pānui mō ngā rā i oti.
Ko ngā hua o te pānui tahi ka pai ake ngā mahi reading me te pānui, ka mutu, ka ngākau nui ki te pānui. He putanga anō tēnei ki te ārai i te ‘akoranga kore raumati’ kia mau tonu i ngā tauira me ngā ākonga i ngā pūkenga me ngā mātauranga i ākona i te tau kura.
Ka wātea te tikiake i ngā puka pūrere aroturuki Reading me te Pānui mā ngā hononga e whai ake nei, ka mutu, e whakahau ana mātou i ngā kura auraki me ngā kura katoa kia wātea ngā tānga kōrero ki ngā ākonga hei kawe ake ki te kāinga. E whakamōhio ana hoki mātou i ngā mātua me ngā kaitiaki kei te nuinga o ngā whare pukapuka hapori ngā ratonga pūrere tānga kōrero.
Ko ngā ākonga me ngā mokopuna ka oti, ka whakahoki mai i tā rātou puka aroturuki reading me te pānui ā te mutunga o ngā rā whakatā o te raumati ka whiwhi i tētahi pine me te tiwhikete.
Hei tautoko i te uru mai o ngā mātua me ngā whānau, kei te Parent Portal ngā mōhiohio mō te Pānui Raumati | Whakamātau Pānui, tae atu ki ngā puka pūrere aroturuki:
Pānui Raumati | Whakamātau Pānui: Kia Pānui Tāua (Parent Portal)
Tikiake i ngā puka pūrere aroturuki kei raro nei:
Pānui Raumati | Whakamātau Pānui PDF (Te Reo Māori)
Summer Reading | Pānui Challenge PDF (English)
Te whiwhi i ngā tiwhikete me ngā pine mō tō kura auraki, tō kura rānei
Ka tonoa ngā tauira me ngā ākonga kia whakahokia mai ngā puka ki tō rātou kura auraki, tō rātou kura rānei īmērā rānei i te puka matihiko ki Te Tāhuhu o te Mātauranga, ā te 20 o Huitanguru 2026. Whai atu i tēnei rā, tēnā kohia ngā puka katoa, ka īmērā i a mātou i [email protected] ki te whakamōhio i a mātou i te tapeke o ngā pine me ngā tiwhikete e hiahiatia ana e koe. Tēnā kia mōhio noa kāore ngā ingoa o ngā tauira i ngā tiwhikete, mā te kura auraki, te kura rānei e whakamau atu.
Tēnā tonoa ngā pine me ngā tiwhikete kia kaua i tua mai o te 6 o Poutūterangi 2026.
Ki te riro tika mai i Te Tāhuhu o te Mātauranga i ngā puka matihiko mai i ngā mātua me ngā kaitiaki, ka kohia e mātou ēnei, ā, ka tukuna atu ki a koe i te ingoa o te ākonga, tae atu ki tētahi pine me te tiwhikete, hei tuari.
Ētahi atu hōtaka pānui raumati
Ki te whai tō kura auraki, tō kura rānei i tētahi hōtaka pānui raumati, tētahi whakamātau rānei, ka wātea koe ki te tono mō ngā pine me ngā tiwhikete mō ēnei ākonga hoki. Kāore he here kia whakakīia e ngā ākonga i ngā puka pūrere aroturuki e rua. Tēnā whakaurua mai ēnei ki te tapeke o ngā pine me ngā tiwhikete ka tonoa e koe mō tō kura auraki, tō kura rānei ā te Kaupeka kura 1, 2026.