Kotahi hāora i te rā Ngā Aratohu Whakaako me ngā Rauemi
7 Poutūterangi 2024
He maha nga kura auraki me ngā kura Māori kua mārō kē te whakatinana i tā rātou hōtaka kotahi hāora i te rā, arā, ka whakapau ai ngā ākonga i te kotahi hāora i te rā ki te pānui, te tuhituhi me te pāngarau.
Ka whakahaeretia tēnei whakaakoranga ki ngā akoranga kua oti kē te whakamahere me te whakauru ki roto i ērā atu wāhanga ako, ka mutu, i ia rā, i ia rā ka whiwhi ngā ākonga i ngā wheako hou me te hāngai o aua whakaakoranga o ngā ariā me te mātauranga hou, tae atu ki te whai wāhi ki te whakaharatau, ki te hoki anō ki ngā whakaakoranga o mua.
Ka tautohua tonu e ngā kaiako te ahunga whakamua me ngā matea o ngā ākonga mō te roanga o te tau, ka whakawhanaketia hoki ngā hātepe hei tautoko atu anō, ngā urutau rānei tērā pea ka hiahiatia. Tae atu ki ngā tikanga whakaako arā ngā tūhurangatanga, ngā akoranga mahinga tahi, ngā kēmu e ū tonu ai ngā ākonga ki ō rātou akoranga.
Kei te whakarato mātou i te aratohu me te tautoko ki ngā kura auraki me ngā kura Māori e tika ana mō rātou. Ka kitea ngā rauemi me ētahi atu mōhiohio mō ngā Tau 0 – 8 i konei i Tāhūrangi: Kotahi hāora i te rā.
Arā anō hoki ētahi atu pārongo mā ngā mātua, ngā kaitiaki me ngā whānau i te whārangi mō ngā mātua me ngā whānau.
Ka kitea ētahi atu taipitopito mō ngā kaiwhakaako e whakamahi ana i Te Marautanga o Aotearoa i te whārangi te Pānui me te Tuhituhi me te mahi Pāngarau.
Ngā whakarerekētanga mō ngā kura mātanga me ngā kura whai poari kura kua āta tohua.
Kua whakaroa ake te wā ki ētahi kura auraki me ētahi kura Māori hei tohu i ngā uauatanga maha kei ēnei kura mō te taha ki ngā wātaka me ngā rauemi tautoko.
Ko ngā kura motuhake kei a rātou ngā ākonga Tau 0 – 8 ka kakama ia ki te whakamana i tēnei kaupapa here i tērā tonu ka taeatia, hāunga tērā kua whakaroahia ake te wā, arā ko te Wāhanga 1 2025 te wā kua whakaritea.
Ko ngā Kura Kaupapa Māori e whakahaeretia ana e tētahi poari ā-kura motuhake me tīmata rātou ki te whakatinana i te kaupapa here nei atu i te 22 o Hōngongoi 2024. I konei hoki kua wātea ngā kura me te Tāhuhu o te Mātauranga ki te whakawhiti kōrero mō te ara whakatinanatanga kia hāngai hoki ki ō rātou mātāpono.
Ko te kura motuhake he poari rite ki tētahi o ēnei momo e whai ake nei:
- He Kura Kaupapa Māori
- He kura motuhake e hāngai ana ki te hapū, te iwi rānei, kua taka mai rānei i raro i te maru o Ngā Kura ā-Iwi o Aotearoa
- he Kura Tūmatanui e noho motuhake nei ki te hapū – ki te iwi rānei
Ko te hautoru ēnei kura o ngā kura motuhake, me te āhua haurua o ngā ākonga kei ngā kura Māori katoa.