Te hōtaka mō te nuku i ngā rauemi ki te pae Tāhūrangi

I tēnei wā kei te nuku mātou i ngā rauemi o NZ Curriculum kei te pae o TKI ki te pae o Tāhūrangi. Ka haere tēnei mahi mō te roanga o te tau 2024. Haere ki tēnei whārangi mō te hōtaka nukunuku‎‎ [add link to new web page – see draft below].
Ka whakamōhio atu mātou i ngā kaiwhakamahi kei hea e haere ana tēnei mahi mā tā mātou pānui marautanga (e taea ai e koe te rēhita mō te pānui mā te tuku īmēra ki [email protected]).
Tāria te wā ka tāutatia ngā rauemi kei te pae o Kauwhata Reo ki Tāhūrangi, hāunga tēnei, ka wātea tonu mai ētahi paku kohinga rauemi i te tīmatanga. Ka mutu, ka āhei tonu ngā kaiwhakamahi ki te tiki ake i ngā rauemi o nāianei mā te paetukutuku Kauwhata Reo o nāianei, ka tuku pānui whakamōhio atu mātou ki a koe i a mātou e tāuta ana i ngā rauemi ki  Tāhūrangi.
Ngā rauemi katoa e pā ana ki Te Whāriki: E wātea ana He whāriki mātauranga mō ngā mokopuna o Aotearoa Early Childhood Curriculum i te pae o Tāhūrangi. Ko te tikanga o tēnei, taihoa ake nei ka whakamoea, otirā, kua kore e wātea whai muri ake nei tēnei wāhanga o te paetukutuku Te Whāriki Online o nāianei kei TKI.
Ka wātea mai Te Whāriki a Te Kōhanga Reo ki a koe mā te whai i tētahi hononga ki te paetukutuku o Te Whāriki Online kei te whārangi haukāinga o Tāhūrangi. 

HI āta hoahoatia a Tāhūrangi hei pokapu matua mō te katoa o ngā rauemi marautanga me ngā rauemi whakaako. Ā tōna wā, ka noho tēnei hei pupuri i ngā rauemi e hāngai ana ki ia marau kei te Marautanga ā-Motu:

• e Whāriki: He Whāriki mātauranga mō ngā mokopuna o Aotearoa Early Childhood Curriculum
• Te Marautanga o Aotearoa
• Te New Zealand Curriculum.

Kia oti rā anō te tāutanga o ngā rauemi katoa, ka noho hei pae mō neke atu i te 70 ngā paetukutuku mātauranga rerekē ki te wāhi kotahi - mā reira e māmā ake ai mā ngā kaiako hei kimi i ngā rauemi e hiahiatia ana.
Kei tokomaha tonu o te tangata e whakamahi ana i te pae nei, e pai haere ake ai te mahi rapu a Tāhūrangi. Ka taea e ngā kaiwhakamahi takiuru te tiaki i ngā rauemi ka kaha te whakamahia i ō rātou ake kohikohinga, kia māmā ake ai te kimi haere ā muri ake nei. Ka taea te tiritiri i ngā kohikohinga ki ētahi atu kaiwhakamahi takiuru.
 

Kei te tāria tonutia te whakatau kia nukuhia te rauemi o Te Whāriki a Te Kōhanga Reo, kāore rānei. Ka tukuna he pānui hei whakamōhio atu i a koe he aha te aha ā tōna wā.

I a mātou e nuku ana i ngā rauemi ki runga ki Tāhūrangi e arotake ā-aropā ana mātou te mohoa me te whaitake. Ko ngā rauemi o nāianei anake ka nukuhia, kia māia ai ngā kaiako ko ngā rauemi ka kitea e rātou i Tāhūrangi ko ngā tino rauemi pai rawa atu ērā hei whakamahi mā rātou.

He pai kē atu tō kimi mai i ngā rauemi ka whakamahia e koe i Tāhūrangi. Kua arotakea te kounga o ngā mea katoa i te paetukutuku, e mōhio ai koe mehemea koirā ngā rauemi tino whaitake, tino tika hoki mā tō mahi.

Mehemea e mōhio ana koe ki tētahi rauemi kāore i whakawhitia mai ki Tāhūrangi, engari e tika ana kia noho ki reira, me whakamōhio mai koe. He nui ngā mea e nukuhia ana e mātou, nō reira he mea nui ki a mātou tō urupare mai. Tēnā, īmēra mai ki a mātou i [email protected] 

Ahakoa kua nukuhia te tini rau rauemi mai i ngā paetukutuku o nāianei, he mea nui te mahara ake kāore mātou i te nuku mai i te katoa o ngā rauemi. Kua whakahaeretia te tukanga arotake tōtōpū kia mātua whakarite ka wātea mai ko ngā rauemi ihirangi mohoa ake nei ki Tāhūrangi. Mehemea ki ōu whakaaro e tika ana kia nukuhia te rauemi e kimi ana koe mai i aua paetukutuku o nāianei, me whakamōhio mai koe ki a mātou i [email protected].

Kia mutu tā mātou nukunuku i ngā rauemi ki Tāhūrangi, ka katia te pae taketake. Ka āhei tonu Te Tāhūhū o te Mātauranga ki te tiki ake i ngā rauemi katoa me te whakaputa anō i aua rauemi mehemea e hiahiatia ana.

E manako ana mātou ki te nuku i ngā rauemi mai i ngā paetukutuku o nāianei ki Tāhūrangi i te roanga o te tau 2024. Nō reira ka kite pea koe i ētahi rerekētanga ki ō mātou pae o nāianei. Hei tauira, ka tohutohua koe kia puta atu i Tāhūrangi ki tētahi paetukutuku o nāianei mehemea kāore anō kia nukuhia te rauemi. Tāria te wā, ka katia ētahi o ngā paetukutuku. Ka tuku pānui atu mātou ki a koe i mua i ēnei whakarerekētanga, kia whai wāhi ai koe ki te nuku ki Tāhūrangi.

Mehemea he pātai āu, kei te hiahia koe i ētahi atu pārongo rānei, me īmēra mai ki a mātou i [email protected]

Kia mutu tā mātou whakatutuki i te tukanga arotake me te nuku hoki i ngā rauemi i tō mātou pae o TKI, ka katia aua pae.

I a mātou e nuku ana i ngā rauemi ki Tāhūrangi mai i ō mātou pae o TKI, ka kite atu pea koe i ētahi rerekētanga. Hei tauira, ka tohutohua pea koe i Tāhūrangi ki tētahi paetukutuku o nāianei mehemea kāore anō kia nukuhia te rauemi. Ka whakamōhio atu mātou ki a koe i mua i te whakarerekētanga o tō ara takiuru ki TKI, kia whai wāhi ai koe ki te nuku ki Tāhūrangi.

Ngā rauemi katoa e pā ana ki Te Whāriki: E wātea ana He whāriki mātauranga mō ngā mokopuna o Aotearoa Early Childhood Curriculum i te pae o Tāhūrangi. Ko te tikanga o tēnei, taihoa ake nei ka whakamoea, otirā, kua kore e wātea whai muri ake nei tēnei wāhanga o te paetukutuku Te Whāriki Online.

Ka wātea mai Te Whāriki a Te Kōhanga Reo ki a koe mā te whai i tētahi hononga ki te paetukutuku o Te Whāriki Online kei te whārangi haukāinga o Tāhūrangi. Kei te tāria tonutia te whakatau kia nukuhia te rauemi o Te Whāriki a Te Kōhanga Reo ki Tāhūrangi, kāore rānei. Ka tukuna he pānui hei whakamōhio atu i a koe he aha te aha ā tōna wā.

Kia mutu tā mātou arotake me te nuku i ngā rauemi whai kounga katoa i te pae Kauwhata Reo, ka whakamoea, ā, kua kore e taea tō whakauru atu ā muri ake nei.

I a mātou e nuku ana i ngā rauemi ki Tāhūrangi mai i te Kauwhata Reo, ka kite pea koe i ngā rerekētanga. Hei tauira, ka tohutohua pea koe i Tāhūrangi ki tētahi paetukutuku o nāianei mehemea kāore anō kia nukuhia te rauemi. Ka whakamōhio atu mātou ki a koe i mua i ētahi atu whakarerekētanga ki tō ara takiuru ki Kauwhata Reo, kia whai wāhi ai koe ki te nuku ki Tāhūrangi.

Ka riro mā Te Tāhūhū o te Mātauranga hei whakautu i ngā pātai katoa mō te rauemi kei te pae NZMaths mō te roanga o tēnei mahi.  E tino mihi ana mātou ki a Andrew me te ohu Hangarau Mātauranga whānui mō ā rātou mahi katoa i runga i NZMaths i roto i ngā tini tau kua taha ake nei.

E kore e rerekē tō takiuru NZMaths, mā reira tonu koe e uru atu ai ki e-ako me e-ako pāngarau. Ka whakaputa pānui mātou hei te marama o Haratua 2024 mō te āhua o tēnei ā ngā rā e tū mai nei.

Ka whakaterea te pae o Tāhūrangi ā te marama o Whiringa-ā-rangi 2023 hei kāinga hou mō ngā rauemi marautanga, ngā rauemi whakaako me ngā pānui Tāhūrangi, e nukuhia ana e mātou ngā paetukutuku tūtahi, tae atu ki te paetukutuku Arts Online. Nō reira e whakarite ana mātou ki te kati i te Arts Online hei te mutunga o Poutūterangi 2024.

E nukuhia ana ināianei ngā rauemi whai kounga i ēnei pae ki Tāhūrangi i tēnei marama.

Nā runga i te mea kāore i tirohia ōkawatia te kounga o ngā rauemi i runga i ngā Whakawhitinga Rauemi Kaiako, kāore e taea aua rauemi ki runga i Tāhūrangi, i ētahi atu hongere rānei a Te Tāhūhū o te Mātauranga. Kāore hoki he tukanga pupuri īmēra kua pūranga ā Tāhūrangi.

Mehemea e hiahia ana koe i ngā rauemi ake mai i te Whakawhitinga Rauemi Kaiako o Arts Online, i ngā pūranga īmēra rānei, e tohutohu ana kia tikiake ērā i mua i te katinga o te Arts Online ā te 29 Poutūterangi 2024.

Heoi anō, mehemea e whakaaro ana koe he rauemi e tika ana kia noho wātea ki te iwi tūmatanui, tēnā, īmēra mai ki a mātou i [email protected] ā, ka whakatauria e mātou hei wāhanga o te tukanga whakawhitiwhiti o Tāhūrangi. I roto i tēnei tukanga, e kī taurangi ana mātou ka whakahaeretia he arotake aropā hei tirotiro mehemea e hāngai ana ngā rauemi mō te take, he whaitake, e tūtaki ana hoki tērā e taea ai, i ngā paearu whai wāhitanga.

Ko te mahi tuatahi, e tohutohu ana ki a koe ki te kōrero ki ō hoamahi i te ao kaiako mō ngā whatunga kaiako e pā ana ki tō marau. Tērā pea he whatunga ā-rohe, ā-motu rānei ēnei whatunga e mahi ana i runga i te īmēra, i runga rānei i ngā hongere pāpāho ā-pāpori. Ka taea hoki te whakapā atu ki tō kāhui marau ki te kite mehemea he whatunga ake ō rātou, mehemea rānei e taea ai e rātou te whakapā atu ki ētahi atu hoamahi hei āwhina mai.

Ka taea rānei, te toro atu ki tō tari ā-rohe ki te kōrero ki ngā Kaiwhakarite Whakatinana NCEA me ngā Hautū Marautanga.

I a mātou e nukuhia ana ngā rauemi mai i ngā pae o nāianei ki Tāhūrangi, ka kati ētahi o ngā pae o nāianei. Kua whakaritea kia katia te paetukutuku Literacy Online ā kō tata ake nei, ka tuku pānui mātou ki a koe i mua i tēnei mahi.

I a mātou e nuku ana i ngā rauemi ki Tāhūrangi mai i te pae o Literacy Online, ka kite pea koe i ngā rerekētanga. Hei tauira, ka tohutohua pea koe i Tāhūrangi ki tētahi paetukutuku o nāianei mehemea kāore anō kia nukuhia te rauemi.

E whakatenatena ana mātou i a koe ki te titiro haere i te pae o Tāhūrangi kia waea haere ai koe ki te āhua o te pae, me pēwhea hoki te whakamahi. Ka kitea ētahi aratohu pai hei āwhina tō tīmatanga i runga i Tāhūrangi, e kitea i konei: tahurangi.education.govt.nz/getting-started-on-tahurangi

E tohutohu ana hoki ki a koe ki te tikiake i ngā rauemi e hiahia ana koe i te Whakawhitinga Rauemi Kaiako.