Te kete taputapu hou e rutu ana i ngā pūrākau mō ngā ākonga whai pūkenga
10 June 2025
He kete taputapu hou e hāngai pū ana ki ngā pūrākau me ngā pōhēhētanga mō te mātauranga whai pūkenga e wātea ana ki runga o Tāhūrangi.
I hoahoatia e tētahi rōpū Kaiwhakarite Tautoko Akoranga, arā, ko ngā Learning Support Coordinators (LSCs) mō ngā LSCs, kei tēnei kete ngā rautaki ka whakamahia ki te waihanga i te taiao akoako e taute ai, e whakamahia ai ngā momo ataata, ngā anga marautanga me ngā tātauira hoki.
Mā te huke mai i ngā pōhēhē o ngā pūrākau nei, e mārama ai te kite i ngā momo āhuatanga e pā ana ki te whai pūkengatanga, me te tuku aratakinga hoki, tēnei kete taputapu e noho hei rauemi whānui mō ngā LSCs, ngā kaiako, me te hunga e ngākaunui ana ki te tautoko i ngā ākonga whai pūkenga me ō rātou hiahia kanorau.
Ko te aronga matua o te kete taputapu nei ko te tūhura me te tohu tōmua i ngā ākonga whai pūkenga, me te whakarato i ngā momo wero me ngā ara whakatipu i ō rātou ake pūkenga, whirikoka hoki.
Kua wehea ki ngā kōwae e rima, ka ruku ia o ngā kōwae nei ki ngā matatinitanga o te whai pūkenga, he kaupare i te whakaaro e hāngai ana noa iho ki ngā tutukitanga mātauranga a te ākonga. He wānanga hoki i te āhuatanga o te ākonga “āheinga rua”, he pupuri i ngā pūkenga āheinga me ngā āhua akoranga rerekē, he kōrero hoki mō te hiranga o te waihanga i ngā tautoko ahurei tonu ki ō rātou nā hiahia.
Ko ngā kōwae e rima e whai ake nei:
- Te rapu i ngā ākonga whai pūkenga
- Te tuku kōwhiringa me ngā āhua tāwariwari
- Te whakapakari i ngā wawata me ngā whirikoka
- Te tāpiri i te hōhonutanga me te matatinitanga
- Te tautoko i ngā hiahia kāre ā-roto me ngā hiahia pāpori hoki
E hāngai ana te kete taputapu nei ki te tautoko i te hunga LSC e mahi ana me te New Zealand Curriculum, heoi kua tāpiritia ētahi tauira whai pūkenga Māori, Pasifika hoki.